每條村嘅土地都有限,可以起村屋嘅原居民數目不少,於是,凡有空地嘅地方,要係夠起樓,都可能隨時會變成地盤,一年半載後就會變成一棟棟27呎高嘅屋。所以,每條村入面都會不停咁變,今年你係頭排有景,出年可能變成望住其他屋。
好多人放租嘅時候都會話「車泊門口」,呢個可能只係暫時性描述,門口可以泊車嘅地一係政府地,即係政府認為係通道或未有用途嘅地方,唔係就係村地,你搬入去嘅時候未有人申請,又或者申請咗未批,所以你可以暫時泊車,要係手續做好,工人入村開工嘅時候,你部車馬上變成冇位泊,唔好話唔煩。
最大問題係就算你問村民,都唔一定知道邊度會起樓、邊度唔會起,因為好多時只係申請嘅人自己知,佢哋真係開工挖地嘅時候周圍嘅人先知呢度會起樓,到時生米煮成熟飯,乜都唔使講。
----------
《真人示範——90日移居台灣》電子書可在此購買。
Gumroad : http://bit.ly/2huQXtW
Follow us on Twitter @hkreadaily
Like us on Facebook http://on.fb.me