住村屋其中一個問題係衛生問題,垃圾冇人倒、冇人掃,搵唔到人掃,搵村公所都冇符。不過,估你唔到,政府嘅1823原來係幫到你!
玩法係咁,如果發現真係有問題,就打電話去熱線,有人接聽就清楚講地址或地點俾佢聽,如果係錄音,都將大概問題講低,大約1日就會有相關部門嘅人搵你,再問實情況,再一、兩日就有人實地視察,著手解決。
村屋嘅問題,不外乎關食環署(垃圾)、環保署(建築廢料)、渠務署(河道垃圾)、地政署(霸佔土地)、運輸署(違例泊車),同埋樣樣關佢事嘅民政事務署。不過,投訴噪音(如星期日地盤開工)唔係打1823,係打去就近警署或者999。
實際經驗係,簡單嘅垃圾問題係可以解決,不過如果一個署覺得唔關佢事,就會彈去另一個跟進,如事者最後會彈去民政事務署,搞唔掂又會再彈來彈去,互相射波。
當然要係射波射得太離譜,可以搵區議員或傳媒投訴,又或者直接搵申訴專員投訴各部門射波。
----------
《真人示範——90日移居台灣》電子書可在此購買。
Gumroad : http://bit.ly/2huQXtW
Follow us on Twitter @hkreadaily
Like us on Facebook http://on.fb.me