鄉下地方,最多就係蛇蟲鼠蟻,初初搬入村屋,失驚無神整隻出嚟,真係俾佢哋嚇死!
先講下蛇,其實而家已經好少見,就算見到嗰啲都只係BB蛇,佢可能仲驚過你,只要見到佢,唔好陏,佢就會自己走。要係防,十元八塊買袋硫磺粉,灑喺門口,乜蛇都唔敢走近。
蟲有好多種,最令人煩惱就係蚊,除咗會咬人,如果天黑放咗一隻入屋,你成晚都好難有得瞓。村屋最緊要係蚊網,出入時要閂,屋企要有蚊香看門口,不過,學電視廣告話齋,除積水,免蚊患!
如果村屋樓下開食肆,或者靠近垃圾站,老鼠可能會走上門,最難搞係點趕都趕唔走,只能call食環。
蟻相對冇咁大問題,如果係細隻嘅黑蟻、黃蟻,幾蚊買包蟻藥,兩日就會唔見晒,不過要係喺山邊、草堆嗰啲蚊人大蟻,咁就唔好自己搞,都係搵食環。
----------
《真人示範——90日移居台灣》電子書可在此購買。
Gumroad : http://bit.ly/2huQXtW
Follow us on Twitter @hkreadaily
Like us on Facebook http://on.fb.me