又到返風落雨嘅季節,住喺鄉下地方都幾麻煩,唔似住樓,車入咗停車場之後就可搭「車立」返屋企。鄉村最大問題係水浸,好多鄉村排水都唔係幾好,啲人又亂扔垃圾落河/渠,落大雨去唔到水就有機會水浸。就算村入面唔水浸,出城嘅路都隨時會浸,分分鐘會喺路中塞住,唔出唔入。
唔揸車,坐小巴士、小巴出入嘅其實仲煩,手要攞遮,又要小心水「乙水」,去到巴士站又無瓦遮頭,又唔一定逼到上車,帶定毛巾、乾淨衫替換幾乎係常識。
出入係問題,唔出街都可能麻煩,如果村屋喺低位,雨水往下流,要是平時唔清垃圾,去水渠淤塞,結果又係水浸。
不過,打風嘅影響又唔算太大,始終最高只得3樓,大風極有限,不過,喺天台嘅物品,好似晾衫架、花盆、衛星碟之類就危險啲,隨時吹落街。
----------
《真人示範——90日移居台灣》電子書可在此購買。
Gumroad : http://bit.ly/2huQXtW
Follow us on Twitter @hkreadaily
Like us on Facebook http://on.fb.me