中學時讀過矛盾的〈第一個半天的工作〉後，Apple沒想到長大後返新工，還會遇到與文中黃女士差不多的遭遇，感受五味陳雜。
Apple在辦公桌安頓好以後，跟隨經理遊花園，逐一認識經理介紹的同事。Apple覺得自己是「新豬肉」，除了要一眼關七，臉上也要保持無敵笑容。
「介紹新同事你哋認識，呢位係Apple，代替Banana位置的。」經理介紹道。
「你好呀！歡迎你呀！有咩唔知即管問我啦！」新相識即熱烈招待的，通常是職級較自己低，將來又有機會密切工作的同事。
「嘩！有靚女同事加入噃，你就好啦！」講完仲要上下打量，千祈唔好同呢個同事單獨收工。
「新同事返咗工，係咪可以將大哥嘅Project 彈返俾你呀？我個Team做到斷晒氣喇！」夠膽在經理面前乘機抽水，應該有咁上下斤兩。
「Sorry呀，一陣食唔到你餐Welcome Lunch！」連去唔到嘅解釋都無，應該係同某個出席人士不咬弦。
「嗯，你好。」雖然回應有點冷漠，但Apple覺得這是最值得信任的一位同事。
----------
《真人示範——90日移居台灣》電子書可在此購買。
Gumroad : http://bit.ly/2huQXtW
Follow us on Twitter @hkreadaily
Like us on Facebook http://on.fb.me
中環小白領，志願同職安局一樣：開開心心上班去，平平安安回家來。
