從香港返回台灣個多月，街上遊客明顯歸零，街坊自動波戴口罩。本來以為大家冷靜抗疫，點知一段網上謠言，鄉民竟然全部「糧草先行」，去賣場喪買泡麵、泡麵和泡麵。
如此龐大的買麵意欲，絕對厲害過農曆年辦年貨，或者農曆七月慶祝中元普渡（即係台灣人的拜拜文化）。一進入賣場，眼前都係平日同一時段唔會出現的大媽、大叔，還有大量點睇都應該要返工的壯男美女，大家目標都好確，專攻泡麵貨架。
留意返，除了貨架上的泡麵大部分一掃光，連貨架頂的庫存都冇埋。大家都戴住口罩密密買，冇爭先冇恐後，理貨員就執貨執到「面都紅哂」，賣場更加係出奇地平靜，或者大家可能心裡面都奔騰中？
產品受唔受歡迎，在大時代之中就會知道。正如菠蘿Pizza 廣受意大利人唾棄，呢款由台灣藝人自創的拌麵，在今次爆買狂潮中……繼續靜待有心人賞識。
小編做過一次這款拌麵的有心人，只能說……台灣有更多更好的選擇。
衛生紙同樣是鄉民爆買目標。以港女小編在台灣生活三年經驗，如果要問香港人鍾意乜，台灣人又鍾意乜，小編會答：「香港人好鍾意返工」、「台灣人好鍾意買廁紙」。
----------
《真人示範——90日移居台灣》電子書可在此購買。
Gumroad : http://bit.ly/2huQXtW
Follow us on Twitter @hkreadaily
Like us on Facebook http://on.fb.me
以文字環遊世界新聞多年，現在轉用文字環遊世界。
