吐公單車徑（四）：心形石

由沙田踩車去大埔，幾乎每個香港人都會踩過，冇乜新鮮感嗎？今起三集介紹三個從吐公單車徑伸延出來的隱藏路線，相對冷門，你可能聽過但唔知點去，又抑或聽都未聽過，不過都不算太難到達的。

今次介紹的心形石是在馬鞍山的，我們以孖橋為起點，從沙田到達孖橋後不去大埔，而是過橋轉左，右邊是回沙田第一城方向，切勿去錯。題外話，從沙田往孖橋不一定要走馬場這一邊，其實可以試下在沙田鄉事會路過橋，那邊一樣有單車徑，而且相對人少單車少，最重要可遠眺體院、馬場、九肚山等，風景更開揚，值得一踩。

循著單車徑走，記住要靠著海邊，見到分岔口亦毋須分心，否則就會唔知去了甚麼地方了。這段路有點似吐公單車徑科學園段，單車徑與海邊之間有個海濱長廊，所以要小心提防有人從長廊越過單車徑。靠近海濱長廊亦有一個好處，就是廁所多，人有三急都無問題。

順風順水去到單車徑的盡頭，千萬不要過馬路，駁回斷開的單車徑，你只要左轉落去沙灘，心形石便在眼前。嚴格而言，心形石應該叫心形石堆，是一名退休花王用了三年多時間砌成的，經廣泛報道後，頓成拍拖龍友的熱點，記住要留意潮夕漲退，心形石可能會被水淹的。

在心形石不遠處是烏溪沙碼頭，若有時間，可以一看。

踩車小錦囊：在濕滑的路面上，停車需要較長的時間，預留的停車距離至少要比平時多一倍。

地圖：

----------

Related Articles