吐公單車徑（一）：孖橋

吐露港單車徑是老牌單車徑，除咗香港人會踩，連外國人、強國人都識貨，雖然你踩佢踩大家踩，但大家有冇留意箇中有不少隱藏景點？

大部份人會在沙田出發，或是來回沙田大埔，又或者在大埔還車，所以我哋行程就由沙田出發。在沙田租單車，主要是好運中心及沙田公園後、城門河旁的單車舖，前者租車後落隧道後便會見到單車徑，而後者更是在單車徑旁，一定唔會蕩失路。

踩唔夠兩步路，就會見到一個天幕，相信大家唔需要咁快唞唞，但若然人有三急，之後在左手邊個廁所唔好錯過，否則下個廁所位要到馬料水碼頭。又若然要補給，食塊冰菠蘿、飲支汽水，在沙田划艇中心外有汽水機，之前橋底在假期亦有人攞檔。

離開划艇中心，過一條小條後會落暗斜轉彎，大家要小心，若然太快轉彎時會過咗對面線，迎頭車由直路過嚟，較難睇到落斜的車，好容易炒，小心小心！之後的是一條大直路，其實是香港運動員的搖籃──體育學院及港人發財夢之鄉──馬場，這段路相對較窄，爬頭時要小心呀！

這段直路的盡頭便是孖橋，點解叫孖橋，顧名思義，這條橋是由兩條行人天橋平衡而起，故此得名，不少車友在此相約，過橋左轉便可馬鞍山、西貢，唔過橋便可直去大埔。

踩車小錦囊：在單車徑應靠左行駛，不要三五成群，並排踩車，並讓其他騎單車者從右方超車。切記只可從右方超車。

地圖：

----------

Related Articles