三門仔食腩麵 » 讀家新聞

三門仔的小漁港特色，香港買少見少。

只是由沙田踩去大埔得十多公里，唔夠喉？很多人會繼續踩去大美督（唔係大尾督，政府正名咗好久了），那麼有大約二十一公里，對不是時常踩車的人而言，運動量已很足夠。去大美督無乜難道，而且太熱門，今次一連兩集介紹由往大美督的單車徑伸延出來的景點，先講講三門仔。

去大美督由元洲仔公園開始，離開吐公單車徑轉右，經過元洲仔公園，先有一段大樹遮蔭的路，夏天會十分涼快，向前踩會有一個分岔路，轉右會落去大埔海濱公園，轉左去到盡頭會一個小碼頭，之前有一個位可以出去大埔工業邨，這裏是可以去到大美督，但要踩馬路（踩行人路是違法的），而且容易迷途，所以在分岔路繼續前行，總之沿途留意路牌吧。

轉了兩個彎後，你會發覺單車徑會在汀角路旁，這時只要繼續向前踩，直至單車徑到盡頭才過馬路。不要以為對面有單車徑也可以用，那邊的單車徑最近才因巴士站而斷開兩截。過了馬路後，你會先嗅到一陣飯香，間中還有咖喱味，因為這裏有不少連鎖快餐店的廚房。再過一點便是消防局，之後便是入大美督算是較斜的路，若然吃力便落車推吧，但切記盡量靠左，更切記不要走過對面線，否則對頭車落斜速度快，易生意外。

再向前踩便會見到三門仔路，這時轉右直踩便到達目的地，留意這段全是馬路，偶爾會有車從後來，只要小心靠左便可以了。入三門仔前會經過一個沙洲，左邊可遙望觀音像，右邊則是三門仔小漁港。順着車路靠右落斜，便是三門仔。來到三門仔可以食海鮮，亦可食茶餐廳，若然要更地踎的，便繼續向前踩，入村不久便會見到一個公廁，對面有一個家庭式食肆，他們的腩麵不俗，可以一試。

題外話，公廁往前走，有一個必殺拍照位，極有漁港風味，背景是八仙嶺，不可錯過。另，若然要去馬屎洲自然教育徑，則在公廁後的斜路往上走，不過要抬車上樓梯，不推薦。