那夜凌晨，我的B女狂哭（中）

昨日提到，兩歲女兒連續多晚嚇醒狂哭，在我細問之下才承認「睇到d野」。

我和太太面面相覤，於是繼續大膽問：「咩黎架？點嘅樣架？」

為人父母的都應該明白，你越急，孩子越不知所措。

所以我越問，女兒越驚，哭聲更響，身體更抖。

太太送水給女兒定驚，我鼓起勇氣再問：「而家呢樣野係唔係房？」
（老老實，我都有D淆底。）

豈料，女兒竟然轉頭望著衣櫃！
（女呀，唔好嚇阿爸阿媽……）

結果女兒說：「無。」

我再問：「而家仲見唔見到？」

女兒說：「無。」

我問：「咁呢樣野係咩來架？」

女兒說：「金句。」
（唔係咁猛吓話……）

豈料太太說：「佢呢幾晚都係一邊喊，一邊嗌『金句』﹗」
（唔係真係咁猛吓話……）

妻女面前，我不得不繼續大膽，問：「金句怕唔怕耶穌架﹖」
女兒說：「唔怕。」
（！！！！！！！！）

同樣是妻女面前，我決定先下手為強，輕拍阿女：「爸爸媽媽會在身邊保護你，乖呀…」
女兒即乖乖入睡。
凌晨五時，女兒又再驚喊，但太太輕拍她之後，好快又入睡了。
到底「金句」是什麼呢？明天講大結局。

----------

Related Articles